മാർ തോമസ് തറയിൽ ചങ്ങനാശ്ശേരി ആർച്ച് ബിഷപ്പായി സ്ഥാനമേറ്റു
ചങ്ങനാശേരി: സെന്റ മേരീസ് മ്രെതാപ്പോലീത്തന് പള്ളിയങ്കണത്തില് അനേകായിരങ്ങള് പങ്കുചേര്ന്ന ഭക്തിസാന്ദ്രമായ തിരുക്കര്മങ്ങളുടെ ചൈതന്യത്തില് ചങ്ങനാശേരി അതിരൂപതാധ്യക്ഷനായി മാര് തോമസ് തറയില് സ്ഥാനമേറ്റു. വിദേശത്തുനിന്നുള്പ്പെടെ ബിഷപ്പുമാരും വൈദികരും സമര്പ്പിതരും വിശ്വാസികളും പങ്കെടുത്ത പ്രൗഡമായ സ്ഥാനാരോഹണച്ചടങ്ങിന് സീറോമലബാര് സഭ മേജര് ആര്ച്ച്ബിഷപ് മാര് റാഫേല് തട്ടില് മുഖ്യകാര്മികനായിരുന്നു.
വിരമിച്ച ആര്ച്ച്ബിഷപ് മാര് ജോസഫ് പെരുന്തോട്ടം, പാലാ ബിഷപ് മാര് ജോസഫ് കല്ലറങ്ങാട്ട് എന്നിവര് സഹകാര്മികരായി. വികാരി ജനറാള് മോണ്. ജോസഫ് വാണിയപ്പുരയ്ക്കല് ചടങ്ങില് ആര്ച്ച് ഡീക്കനായിരുന്നു.
ഇന്നലെ രാവിലെ ഒമ്പതിന് മെത്രാപ്പോലീത്തന് പള്ളി പാരിഷ് ഹാളില്നിന്ന് ബിഷപ്പുമാര് തിരുവസ്ത്രങ്ങളിഞ്ഞ് പ്രദക്ഷിണമായി പ്രത്യേകം തയാറാക്കിയ മദ്ബഹയി ലെത്തിയതോടെ ആഹ്ലാദസൂചകമായി ആചാരവെടികളും പള്ളിമണികളും മുഴങ്ങി. മാര് ജോസഫ് പെരുന്തോട്ടം ആമുഖപ്രസംഗം നടത്തി. ചാന്സലര് റവ. ഡോ. ഐസക് ആലഞ്ചേരി മാര് തോമസ് തറയിലിന്റെ നിയമനപ്രതം വായിച്ചു. തുടര്ന്ന് മാര് തോമസ് തറയില് മുടിയും അംശവടിയും ധരിച്ച് അതിരൂപതയുടെ അഞ്ചാമത്തെ ആര്ച്ച്ബിഷപ്പായി പ്രത്യേക പീഠത്തില് ഉപവിഷ്ടനായി.
തുടര്ന്ന് മേജര് ആര്ച്ച്ബിഷപ് മാര് റാഫേല് തട്ടില് പുതിയ ഇടയന് അനുമോദനം അറിയിച്ചു. മാര് തോമസ് തറയിലിന്റെ മുഖ്യകാര്മികത്വത്തില് അര്പ്പിക്കപ്പെട്ട വിശുദ്ധ കുര്ബാനമധ്യേ തിരുവനന്തപുരം ലത്തീന് ആര്ച്ച്ബിഷപ് ഡോ. തോമസ് ജെ. നെറ്റോ വചനസന്ദേശം നല്കി.
നുൺഷ്യോ ആര്ച്ച്ബിഷപ് ഡോ. ലെയോപോള്ദോ ജിറേല്ലി ആശംസയര്പ്പിച്ചു. തിരുക്കര്മങ്ങളില് അമ്പത് ബിഷപ്പുമാരും നൂറുകണക്കിനു വൈദികരും സന്യസ്തരും അല്മായപ്രതിനിധികളും പങ്കുചേര്ന്നു. തുടര്ന്ന് മാര് തോമസ് തറയിലിനെ അനുമോദിക്കുന്നതിനും മാര് ജോസഫ് പെരുന്തോട്ടത്തിനു നന്ദിയര്പ്പിക്കുന്നതിനുമായി പൊതുസമ്മേളനം ചേര്ന്നു.
