വിജയപുര ജില്ലയ്ക്കു പിന്നാലെ കര്ണാടകയിലെ യാദ്ഗിര് ജില്ലയിലും കര്ഷകരുടെ ഭൂമിയില് അവകാശവാദവുമായി വഖഫ് ബോര്ഡ്.
ബംഗളൂരു: വിജയപുര ജില്ലയ്ക്കു പിന്നാലെ കര്ണാടകയിലെ യാദ്ഗിര് ജില്ലയിലും കര്ഷകരുടെ ഭൂമിയില് അവകാശവാദവുമായി വഖഫ് ബോര്ഡ്.
ജില്ലയിലെ 20 കര്ഷകരാണ് പരാതിയുമായി രംഗത്തെത്തിയത്. വാദി-ഗഡാഗ് റെയില്വേ പാതയ്ക്കായി ഏറ്റെടുത്ത ഭൂമിക്കു റെയില്വേ നഷ്ടപരിഹാരം നിഷേധിച്ചതിനെത്തുടര്ന്ന് അന്വേഷിച്ചപ്പോഴാണ് ഈ ഭൂമിയില് വഖഫ് ബോര്ഡ് അവകാശവാദം ഉന്നയിച്ചതാണു നഷ്ടപരിഹാരം നിഷേധിക്കാന് കാരണമെന്നു വ്യക്തമായത്. പ്രശ്നം പരിഹരിക്കാന് സംസ്ഥാന സര്ക്കാര് അടിയന്തരമായി ഇടപെടണമെന്ന് കര്ഷകര് ആവശ്യപ്പെട്ടു. 2020ലാണ് ഈ കര്ഷകരുടെ ഭൂമി റെയില്വേ ഏറ്റെടുത്തത്. ഭൂമിയിൽ അവകാശവാദം ഉന്നയിച്ച് തങ്ങള്ക്ക് വഖഫ് ബോര്ഡില്നിന്ന് യാതൊരുവിധ നോട്ടീസും ലഭിച്ചില്ലെന്നും കര്ഷകര് ചൂണ്ടിക്കാട്ടി.
അതേസമയം, തങ്ങളുടെ കൃഷിഭൂമിയില് വഖഫ് ബോര്ഡ് അവകാശവാദം ഉന്നയിച്ചതായി ചൂണ്ടിക്കാട്ടി തൊട്ടടുത്ത ജില്ലയായ ധാര്വാഡിലെ അപ്പിന് ബെതാഗെരി ഗ്രാമവാസികളും രംഗത്തെത്തിയിട്ടുണ്ട്.
