കു​ട്ടി​ക​ളെ കാ​ണു​ന്നി​ല്ല, പി​ള്ളേ​രെ പി​ടി​ത്ത​ക്കാ​രെ​യും

കാണാതാകുന്ന കുട്ടികളെകുറിച്ചുള്ള ദീപികയുടെ എഡിറ്റോറിയൽ പൊതുസമൂഹം ചർച്ച ചെയ്യേണ്ട ഒന്നാണ്. കഴിഞ്ഞ അഞ്ച് വർഷത്തിനുള്ളിൽ കേരളത്തിൽ നിന്നും കാണാതായ കുട്ടികളിൽ അ​റു​നൂ​റി​ല​ധി​കം കുട്ടികളെ ഇപ്പോഴും കണ്ടെത്താനായിട്ടില്ല. വിഷയത്തിന്റെ പ്രാധാന്യം മനസിലാക്കി, 2025 ഡിസംബർ 5-ലെ ദീപികയുടെ എഡിറ്റോറിയൽ കെസിബിസി ജാഗ്രത കമ്മീഷൻ പ്രസിദ്ധീകരിക്കുന്നു.

കേ​ര​ള​ത്തി​ൽ അ​ഞ്ചു വ​ർ​ഷ​ത്തി​നി​ടെ കാ​ണാ​താ​യ പ​തി​നാ​യി​ര​ത്തി​ല​ധി​കം കു​ട്ടി​ക​ളി​ൽ അ​റു​നൂ​റി​ല​ധി​കം പേ​രെ ഇ​നി​യും ക​ണ്ടെ​ത്താ​നാ​യി​ട്ടി​ല്ലെ​ന്ന കേ​ന്ദ്ര വ​നി​ത-​ശി​ശു​ക്ഷേ​മ മ​ന്ത്രാ​ല​യ​ത്തി​ന്‍റെ വെ​ളി​പ്പെ​ടു​ത്ത​ൽ ന​ടു​ക്കു​ന്ന​താ​ണ്. 20 വ​ർ​ഷം മു​ന്പ് ആ​ല​പ്പു​ഴ​യി​ലെ വീ​ട്ടു​മു​റ്റ​ത്ത് കൂ​ട്ടു​കാ​രു​മൊ​ത്ത് ക്രി​ക്ക​റ്റ് ക​ളി​ച്ചു​കൊ​ണ്ടി​രി​ക്കു​ന്ന​തി​നി​ടെ കാ​ണാ​താ​യ ഏ​ഴു​വ​യ​സു​കാ​ര​ൻ രാ​ഹു​ൽ കേ​ര​ള​ത്തി​ന്‍റെ തീ​രാ​നൊ​ന്പ​ര​മാ​ണ്.

പ​ക്ഷേ, അ​തു​പോ​ലെ 607 കു​ട്ടി​ക​ൾ കാ​ണാ​മ​റ​യ​ത്തു​ണ്ടെ​ന്ന് അ​റി​യു​ന്പോ​ൾ, നാം ​വേ​ദ​ന​യു​ടെ​യും ന​ടു​ക്ക​ത്തി​ന്‍റെ​യും വ​ഴി​യി​ൽ​നി​ന്നു മാ​റി ജാ​ഗ്ര​ത​യി​ലാ​കു​ക​യും കേ​ന്ദ്ര-​സം​സ്ഥാ​ന സ​ർ​ക്കാ​രു​ക​ൾ അ​ന്വേ​ഷ​ണ​ത്തി​ന്‍റെ പു​തി​യ ഫ​യ​ൽ തു​റ​ക്കു​ക​യും വേ​ണം. ക​ര​യു​ന്ന കു​ട്ടി​ക​ളെ പി​ടി​ക്കാ​ൻ പി​ള്ളേ​രെ പി​ടി​ത്ത​ക്കാ​ർ വ​രു​മെ​ന്നു പ​റ​ഞ്ഞി​രു​ന്ന​ത് വെ​റു​തെ പേ​ടി​പ്പി​ക്കാ​നാ​യി​രു​ന്നു. പ​ക്ഷേ, ഇ​പ്പോ​ൾ മാ​താ​പി​താ​ക്ക​ൾ പേ​ടി​ച്ചു ക​ര​യു​ക​യാ​ണ്. കു​ട്ടി​ക​ളെ കാ​ണു​ന്നി​ല്ല, പി​ള്ളേ​രെ പി​ടി​ത്ത​ക്കാ​രെ​യും.

ക​ഴി​ഞ്ഞ അ​ഞ്ചു​വ​ർ​ഷ​ത്തി​നി​ടെ രാ​ജ്യ​ത്തു​നി​ന്ന് കാ​ണാ​താ​യ കു​ട്ടി​ക​ളു​ടെ വി​ശ​ദാം​ശ​ങ്ങ​ൾ തേ​ടി കോ​ണ്‍​ഗ്ര​സ് എം​പി രേ​ണു​ക ചൗ​ധ​രി ഉ​ന്ന​യി​ച്ച ചോ​ദ്യ​ത്തി​നാ​ണ്, ല​ഭ്യ​മാ​യ ക​ണ​ക്കു​ക​ൾ കേ​ന്ദ്ര വ​നി​ത-​ശി​ശു​ക്ഷേ​മ സ​ഹ​മ​ന്ത്രി സാ​വി​ത്രി ഠാ​ക്കൂ​ർ രാ​ജ്യ​സ​ഭ​യി​ൽ സ​മ​ർ​പ്പി​ച്ച​ത്. അ​ന്പ​ര​പ്പി​ക്കു​ന്ന ക​ണ​ക്കാ​യി​രു​ന്നു അ​ത്. 2018 മു​ത​ൽ 2023 വ​രെ രാ​ജ്യ​ത്ത് 6,14,432 കു​ട്ടി​ക​ളെ കാ​ണാ​താ​യ​തി​ൽ 3,81,044 പേ​രെ വീ​ണ്ടെ​ടു​ത്തു.

2,33,388 കു​ട്ടി​ക​ളെ​ക്കു​റി​ച്ച് ഒ​രു വി​വ​ര​വു​മി​ല്ല. പ​ശ്ചി​മ​ബം​ഗാ​ൾ, മ​ധ്യ​പ്ര​ദേ​ശ്, ബി​ഹാ​ർ എ​ന്നി​വി​ട​ങ്ങ​ളി​ൽ​നി​ന്നാ​ണ് ഏ​റ്റ​വും കൂ​ടു​ത​ൽ കു​ട്ടി​ക​ളെ കാ​ണാ​താ​യി​ട്ടു​ള്ള​ത്. കേ​ര​ള​ത്തി​ൽ 10,125 കു​ട്ടി​ക​ളെ കാ​ണാ​താ​യ​തി​ൽ 9,518 കു​ട്ടി​ക​ളെ മാ​ത്ര​മാ​ണ് വീ​ണ്ടെ​ടു​ത്ത​ത്. 607 കു​ട്ടി​ക​ൾ കാ​ണാ​മ​റ​യ​ത്താ​ണ്. മ​റ്റു സം​സ്ഥാ​ന​ങ്ങ​ളു​മാ​യി താ​ര​ത​മ്യം ചെ​യ്യു​ന്പോ​ൾ കു​ട്ടി​ക​ളെ ക​ണ്ടെ​ത്തു​ന്ന​തി​ൽ കേ​ര​ളം മു​ന്നി​ലാ​ണെ​ന്നു പ​റ​യാം. പ​ക്ഷേ, കാ​ണാ​താ​യ കു​ട്ടി​ക​ളു​ടെ കു​ടും​ബ​ങ്ങ​ളോ​ടു​ള്ള മ​റു​പ​ടി​യ​ല്ല.

2023 വ​രെ​യു​ള്ള ക​ണ​ക്കേ 2025 അ​വ​സാ​നി​ക്കു​ന്പോ​ഴും സ​ർ​ക്കാ​രി​ന്‍റെ പ​ക്ക​ലു​ള്ളൂ അ​ല്ലെ​ങ്കി​ൽ അ​വ​ത​രി​പ്പി​ച്ചു​ള്ളൂ. സാ​ങ്കേ​തി​ക​വി​ദ്യ ചി​ല​യി​ട​ത്ത് ഇ​ഴ​യു​ക​യാ​ണോ? ഒ​രു കു​ട്ടി​യെ കാ​ണാ​താ​കു​ന്ന വീ​ടി​ന്‍റെ സ്ഥി​തി​യെ​ന്തെ​ന്ന് കേ​ര​ള​ത്തെ ബോ​ധ്യ​പ്പെ​ടു​ത്തി​യ സം​ഭ​വ​മാ​യി​രു​ന്നു 2005 മേ​യി​ൽ ആ​ല​പ്പു​ഴ​യി​ൽ​നി​ന്നു കാ​ണാ​താ​യ രാ​ഹു​ലി​ന്‍റേ​ത്. ട്യൂ​ഷ​ൻ ക​ഴി​ഞ്ഞു വ​ന്ന​യു​ട​നെ വീ​ടി​ന​ടു​ത്തു​ള്ള മൈ​താ​ന​ത്ത് ക്രി​ക്ക​റ്റ് ക​ളി​ക്കാ​ൻ പോ​യ​താ​യി​രു​ന്നു. ഇ​ട​യ്ക്ക് ഭ​ക്ഷ​ണം ക​ഴി​ക്കാ​നെ​ത്തി മ​ട​ങ്ങി.

മ​ക​നെ തി​രി​ച്ചു​വി​ളി​ക്കാ​ൻ അ​മ്മ മൈ​താ​ന​ത്തെ​ത്തി​യ​പ്പോ​ൾ അ​വ​ൻ വെ​ള്ളം കു​ടി​ക്കാ​നെ​ന്നു പ​റ​ഞ്ഞ് വീ​ട്ടി​ലേ​ക്കു പോ​യെ​ന്നാ​ണു കൂ​ട്ടു​കാ​ർ പ​റ​ഞ്ഞ​ത്. പ​ക്ഷേ, പി​ന്നീ​ടാ​രും രാ​ഹു​ലി​നെ ക​ണ്ടി​ട്ടി​ല്ല. സി​ബി​ഐ ര​ണ്ടു​ത​വ​ണ അ​ന്വേ​ഷി​ച്ചി​ട്ടും തു​ന്പി​ല്ലാ​തെ വ​ന്ന​തോ​ടെ 2015ൽ ​കേ​സ് അ​വ​സാ​നി​പ്പി​ച്ചു. വി​ദേ​ശ​ത്താ​യി​രു​ന്ന രാ​ഹു​ലി​ന്‍റെ അ​ച്ഛ​ൻ പി​ന്നീ​ടു മ​ട​ങ്ങി​പ്പോ​യി​ല്ല. കേ​സി​നു​വേ​ണ്ടി ഓ​ടി​ന​ട​ന്ന മു​ത്ത​ച്ഛ​ൻ 2019ൽ ​മ​രി​ച്ചു.

സം​ശ​യ​ത്തി​ന്‍റെ സൂ​ച​ന കി​ട്ടി​യി​ട​ത്തെ​ല്ലാം ഓ​ടി​യെ​ത്തി മാ​താ​പി​താ​ക്ക​ൾ അ​ന്വേ​ഷ​ണം തു​ട​ർ​ന്നു​കൊ​ണ്ടി​രു​ന്നു. അ​ച്ഛ​ൻ വി​ഷാ​ദം സ​ഹി​ക്കാ​നാ​കാ​തെ 2022ൽ ​ജീ​വ​നൊ​ടു​ക്കി. ഒ​രു കു​ട്ടി​യെ കാ​ണാ​താ​കു​ന്ന നി​മി​ഷം മു​ത​ൽ ആ ​വീ​ട് മ​റ്റൊ​ന്നാ​യി മാ​റു​ക​യാ​ണ്. മ​ര​ണ​ത്തേ​ക്കാ​ൾ ഭ​യാ​ന​ക​മാ​ണ് ജീ​വി​ച്ചി​രി​പ്പു​ണ്ടോ ഉ​ണ്ടെ​ങ്കി​ൽ ഏ​ത​വ​സ്ഥ​യി​ലാ​ണ് ത​ന്‍റെ കു​ഞ്ഞ് എ​ന്നൊ​ക്കെ ചി​ന്തി​ക്കേ​ണ്ടി​വ​രു​ന്ന അ​നി​ശ്ചി​താ​വ​സ്ഥ. അ​ങ്ങ​നെ കേ​ര​ള​ത്തി​ലും നൂ​റു​ക​ണ​ക്കി​നു കു​ടും​ബ​ങ്ങ​ൾ!

കാ​ണാ​താ​കു​ന്ന കു​ട്ടി​ക​ളു​ടെ കേ​സു​ക​ൾ ദേ​ശീ​യ ക്രൈം ​റി​ക്കാ​ർ​ഡ്സ് ബ്യൂ​റോ​യു​ടെ (എ​ൻ​സി​ആ​ർ​ബി) ക​ണ​ക്ക​നു​സ​രി​ച്ച് വ​ർ​ധി​ക്കു​ക​യാ​ണ്. എ​ന്നാ​ൽ, കാ​ണാ​താ​കു​ന്ന കേ​സു​ക​ൾ റി​പ്പോ​ർ​ട്ട് ചെ​യ്യു​ന്ന സം​വി​ധാ​നം മെ​ച്ച​പ്പെ​ട്ട​തി​നാ​ലാ​ണ് കേ​സു​ക​ൾ വ​ർ​ധി​ച്ച​തെ​ന്നാ​ണ് കേ​ന്ദ്ര​സ​ർ​ക്കാ​ർ അ​വ​കാ​ശ​പ്പെ​ടു​ന്ന​ത്. കു​ട്ടി​ക​ളു​ടെ തി​രോ​ധാ​നം കു​റ​യ്ക്കു​ന്ന​തി​നാ​യി സം​സ്ഥാ​ന​ങ്ങ​ളു​മാ​യി കൂ​ടി​യാ​ലോ​ചി​ച്ച് വ​നി​ത- ശി​ശു​ക്ഷേ​മ മ​ന്ത്രാ​ല​യം സം​യോ​ജി​ത ഏ​കീ​കൃ​ത മി​ഷ​ൻ വാ​ത്സ​ല്യ പോ​ർ​ട്ട​ൽ വി​ക​സി​പ്പി​ച്ചി​ട്ടു​ണ്ട്.

കാ​ണാ​താ​യ കു​ട്ടി​ക​ളെ ക​ണ്ടെ​ത്താ​ൻ സ​ഹാ​യി​ക്കു​ന്ന ‘ട്രാ​ക്ക് ചൈ​ൽ​ഡ്’ പോ​ർ​ട്ട​ലും ‘ഖോ​യാ പാ​യാ’ ആ​പ്ലി​ക്കേ​ഷ​നും സം​യോ​ജി​പ്പി​ച്ചാ​ണ് ഏ​കീ​കൃ​ത മി​ഷ​ന്‍‍ വാ​ത്സ​ല്യ പോ​ർ​ട്ട​ൽ വി​ക​സി​പ്പി​ച്ചി​ട്ടു​ള്ള​ത്. 17 വ​യ​സ് വ​രെ​യു​ള്ള​വ​രെ കു​ട്ടി​ക​ളാ​യി​ട്ടാ​ണ് ക​ണ​ക്കാ​ക്കു​ന്ന​ത്. കാ​ണാ​താ​കു​ന്ന​വ​രെ​യെ​ല്ലാം ആ​രെ​ങ്കി​ലും ത​ട്ടി​ക്കൊ​ണ്ടു​പോ​യി എ​ന്ന​ർ​ഥ​മി​ല്ല. ഭി​ക്ഷാ​ട​ന മാ​ഫി​യ പ​ഴ​യ​തു​പോ​ലെ സ​ജീ​വ​മ​ല്ല. സ​മൂ​ഹ​മാ​ധ്യ​മ​ങ്ങ​ളു​ടെ സ്വാ​ധീ​നം വി​ല​യി​രു​ത്ത​ണം.

മാ​താ​പി​താ​ക്ക​ൾ ഉ​ണ്ടാ​ക്കു​ന്ന സം​ഘ​ർ​ഷം ഉ​ൾ​പ്പെ​ടെ വീ​ട്ടി​ലെ വേ​ദ​നി​പ്പി​ക്കു​ന്ന അ​നു​ഭ​വ​ങ്ങ​ളും ചീ​ത്ത കൂ​ട്ടു​കെ​ട്ടു​ക​ളും മൂ​ലം സ്വ​മേ​ധ​യാ ഒ​ളി​ച്ചോ​ടു​ന്ന​വ​രു​മു​ണ്ട്. കാ​ണാ​താ​കു​ന്ന​വ​രി​ലും ക​ണ്ടെ​ത്താ​നാ​കാ​ത്ത​വ​രി​ലും 70 ശ​ത​മാ​ന​ത്തോ​ളം പെ​ൺ​കു​ട്ടി​ക​ളാ​ണെ​ന്ന​തും അ​തീ​വ​ഗൗ​ര​വ​മു​ള്ള​താ​ണ്. ലൈം​ഗി​ക ചൂ​ഷ​ണ​വും മ​നു​ഷ്യ​ക്ക​ട​ത്തും നി​ർ​ബാ​ധം തു​ട​രു​ന്നു​മു​ണ്ട്. രാ​ജ്യ​സ​ഭ​യി​ൽ ക​ണ​ക്കു വ​യ്ക്കു​ന്ന​തി​ൽ തീ​രു​ന്നി​ല്ല സ​ർ​ക്കാ​രി​ന്‍റെ ഉ​ത്ത​ര​വാ​ദി​ത്വം. എ​ന്തു​കൊ​ണ്ടാ​ണ് ഇ​ത്ര​യ​ധി​കം കു​ട്ടി​ക​ളെ വീ​ണ്ടെ​ടു​ക്കാ​നാ​കാ​ത്ത​ത് എ​ന്ന ചോ​ദ്യം ബാ​ക്കി​യാ​ണ്.

സ​ർ​ക്കാ​ർ സം​വി​ധാ​ന​ങ്ങ​ൾ കൂ​ടു​ത​ൽ കാ​ര്യ​ക്ഷ​മ​മാ​ണെ​ന്നു പ​റ​യു​ന്പോ​ഴും പു​തി​യ ക​ണ​ക്കു​ക​ൾ അ​തു​മാ​യി ചേ​രു​ന്നി​ല്ല. മി​ക​ച്ച അ​ന്വേ​ഷ​ണ​സം​വി​ധാ​ന​ങ്ങ​ൾ ആ​വി​ഷ്ക​രി​ക്കാ​ൻ കേ​ന്ദ്ര-​സം​സ്ഥാ​ന സ​ർ​ക്കാ​രു​ക​ൾ​ക്കു ബാ​ധ്യ​ത​യു​ണ്ട്. ആ​രാ​ണ് പി​ള്ളേ​രെ പി​ടി​ത്ത​ക്കാ​രെ​ന്ന​റി​യ​ണം. വീ​ട്ടി​ൽ​നി​ന്നി​റ​ങ്ങു​ന്ന​തു മു​ത​ൽ കു​ട്ടി​ക​ൾ എ​വി​ടെ​യാ​ണെ​ന്നും ആ​രാ​ണ് കൂ​ട്ടെ​ന്നും എ​പ്പോ​ൾ വ​രു​മെ​ന്നും മാ​താ​പി​താ​ക്ക​ളും അ​റി​യ​ണം.

https://www.deepika.com/editorial/editorial-34341